January 13, 2022
PADAYON ang pagtaas sa ihap sa bag-ong mga kaso sa coronavirus disease-2019 (Covid-19) sa Cagayan de Oro human nakatala ang dakbayan og 66 nga mga kaso.
Matud sa City Health Office, sa 66 nga mga bag-ong kaso, usa ang locally stranded individual (LSI), duha ang returning overseas Filipinos (ROFs) ug 63 ang mga local transmissions.
Sa maong 63 ka mga bag-ong lokal nga mga kaso, 39 ang mga local index nga mga kaso, 12 ang mga local cases with link, ug 12 ang mga authorized persons outside residence (Apors).
Ang Cagayan de Oro adunay 327 active cases, 73 niini na-admit sa Northern Mindanao Medical Center ug uban pang mga ospital sa syudad, 239 ang mga outpatient ug 15 ang mga ROFs/LSIs.
Anaa na pud karon sa 19,598 ang ihap sa mga nakarekober nga mga kaso sa dakbayan.
Ang ihap sa mga namatay sa Covid-19 sa syudad naa sa 853.
